ال دهان
أهلا وسهلا بك في منتدي ال دهان ...أرجو ان تشارك معنا وان تقوم بتسجيل دخولك .أو تسجيل عضوية جديدة
نحن في انتظارك ومن أجل منتداك فلا تبخل علي نفسك وعلينا وبالتوفيق.


ال دهان يدا بيد سنحقق الحلم القديم للترابط والتلاحم الأجتماعي
 
الرئيسيةdhanمكتبة الصورس .و .جبحـثالتسجيلدخول

شاطر | 
 

 هل تحب أمك فعلاً ؟ فقد تبين لي اني لا أُحب أمي

اذهب الى الأسفل 
كاتب الموضوعرسالة
دهان امزوار
دهايني متميز
avatar

تاريخ التسجيل : 01/01/2009
رقم العضوية : 006
عدد المشاركات : 123
نقاط : 133
العمر : 33
الإقامه : غادي


ذكر

مُساهمةموضوع: هل تحب أمك فعلاً ؟ فقد تبين لي اني لا أُحب أمي   الجمعة مارس 20, 2009 11:16 pm

السلام عليكم ورحمة الله وبركاته

هل تحب أمك فعلاً ؟.؟ فقد تبين لي اني لا أُحب أمي .

سؤالي هذا موجه للشباب بصفة خاصة

أمي اغلى ما في الوجود ... امي العزيزة ... امي الحبيبة ... امي الغالية ... امي نبض قلبي ... امي الصدر الحنون ... امي منبع الحنان ... امي تاج رأسي ... الخ
من العبارات التي نرددها نحن الشباب سواء في المنتدى او خارجة
مشاعر جياشة وعواطف قوية تربط الولد بأمه والام بأبنها يتولد حب كبير بينهما ... ولكن ! هل هذه المشاعر كافية لتقول انك تحب امك ؟
هل الحب هو فقط مشاعر دون تضحيات ؟

لنغير نبرة الكلام قليلاً
كل واحد ممنا حني الشباب واني اولهم نقولو فالكلام هذا ... ونزيدو عليه ان امي نفديها بروحي ... والكلام هذا موجود لو خُيرت اكيد بضحي بروحك على خاطر امك ... لكن هذا ميتبتش انك تحب امك !!!

تنوض كل يوم حتى مكانك تخليه متقيمش فيه ... الحمام تخليه في حالة ... تغير حوايجك نفس الشي كل حاجة في تركينة ... تروح من الخدمة ولا القراية تبي الغداء يكون واتي وعلى كيف كيفك ... تطلع العشية تروح نص الليل ... كل يوم بدلة ولا زوز ولا حتى 3 وكان عندك مبارة ... وانت مع هذا حتى عود وقيد متقيمش فيه (( قداش منها ))
يعني وكان ربي رزقها بولاد لازم يعدبوها , كلامي هذا على الاولاد مش البنات لن البناويت من طبعهم يعولو ... لكن وكان العيلة مفيهاش بناويت ولا مثلا عندهم راس بنت وحدة ... وماشاء الله كمشة هصاك ... لاحد يقيم معاها في حاجة ولا يدير معاها في حاجة
من قبل ما تنوض حضرتك من النوم لغاية ما سعادتك تتعشى (( مش لغاية ما ترقد لان النوم ديما صباحي )) وهيا واقفة على رجل وحدة بين الكوجينة والجنانات والحوش والغسالة
والله حتى وكان حديد بيكمل ويدوب
وحني ولا نعبرو فيها ... نروحوا ... ( خير ايما ... خير اممي )
خش ولع الكومبيوتر ولا التلفزيون يجيك غداك لعندك

تمرض امك مرة ومرتين وثلاثة ... عادي ماهو الناس كلهم يمرضو !!!
وبعدين الظهر والرجلين ... عادي ماهو كبيرة فالسن !!!
وتبدا تركع وهي تمشي عمرها 40 او 50 سنة باش تنوض من مكانها تبي 5 دقايق من شني ؟ [img:26b6]http://www.zuwara.com/forum/images/smilies/45[1].gif[/img:26b6]
من هبالك وقلت معاونتك وانت فوق هذا مش عابي عزايم وغداوات ... ووكان السورية الفلانية متلقاهاش نظيفة ... تقيم الحوش فوق راسك
لين يجيك يوم تبدا تعول بروحك وتغسل بروحك وتنضف بروحك لكن مش خيرة فيك ولا فلاحة [img:26b6]http://www.zuwara.com/forum/images/smilies/68[1].gif[/img:26b6] ... وإلا تبدا ادور من حوش لحوش مرة عند عمتك ومرة عند خالتك ولا عند اختك .
وتبدا تاكل في ماكلة القهاوي والسندوتشات والزميطة عذاء وعشا
ولا تلبز امبكبكة بروحك وتتمنى تاكل تطيب امك مرة تانية [img:26b6]http://www.zuwara.com/forum/images/smilies/63[1].gif[/img:26b6]
لكن وين يا حسرة ... ماكانتش بتبخل عليك ... لكن ماهو ماتت الله يرحمها [img:26b6]http://www.zuwara.com/forum/images/smilies/2[1].gif[/img:26b6] .. ولا هذا وين حسيت بيها .. مش بكيت حتى عليها ولا نسيت [img:26b6]http://www.zuwara.com/forum/images/smilies/23[1].gif[/img:26b6]
وتوا تحمل عادي انت راجل ... ماهو كانت بيناتكم ومفيش من عبرها ولا دارلها قيمة .
والسيد الوالد توا بيجيب مرا جديدة ... من حقا ! [img:26b6]http://www.zuwara.com/forum/images/smilies/17[1].gif[/img:26b6]
لكن خليك فاكر بس انك قمت بالواجب [img:26b6]http://www.zuwara.com/forum/images/smilies/41[1].gif[/img:26b6] وصحنت امك ودوبتها على احسن ما يكون [img:26b6]http://www.zuwara.com/forum/images/smilies/41[1].gif[/img:26b6] قبل ما يتوفاها الله سبحانه
لا حول ولا قوة الا بالله

ياريت كل حد يدير الكلام هذا قدام عيونا ... هيا الاعمار بيد الله ... لكن مش عيب كان تريح امك شويا ... ولا خايف يتهزو عليك الناس !!
وحتى لو تهزو عليك ... طز و100 الف طز ... لان امتا امك تمشي وتخليك مفيش من بيعبرك ولا بيديرلك قيمة
حتى عمتك وخالتك قداش بيتحملوك ... بيجي وقت يفدو ويقلقو
اختك عندها راجل وعيلة مش حتقدر عليكم

ومادام فيه وقت ومافات شي حاول انك تعاون امك حتى غر شوية
اضعف الايمان متزيدهاش على اللي عنها ... مقلنالكش اغسل الحوايج .. لكن على الاقل قيم حوستك بروحك ومش عيب لو غسلت اماعين الغدا ولا العشاء ولا سيقت معاها الجنان ولا قمت معاها حاجة ... لانها بتقعدلك صحيحة ليك ولخواتك

وان شاء الله ربي يهدينا ويخلي لكل حد اما
ويرحم من كانت متوفية

والسلام عليكم
منقول للفائدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دهان للوح
دهايني متقدم
avatar

تاريخ التسجيل : 12/03/2009
رقم العضوية : 054
عدد المشاركات : 51
نقاط : 74
العمر : 34
الإقامه : العجيلات


ذكر الموقع : غآآآآآآآآدى كاى

مُساهمةموضوع: رد: هل تحب أمك فعلاً ؟ فقد تبين لي اني لا أُحب أمي   السبت مارس 21, 2009 12:03 am

تسلم على هذا الاختيار الموفق جدا جدا ولمساتك الجميلة والمعبره فى هذا الموضوع الحساس والمهم للغاية فكل الشكر والتقدير لك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتهي
دهايني متميز
avatar

تاريخ التسجيل : 10/03/2009
رقم العضوية : 047
عدد المشاركات : 195
نقاط : 274
العمر : 53
الإقامه : طرابلس


انثى

مُساهمةموضوع: امي   السبت مارس 21, 2009 1:20 am

بسم الله

أمي ........ لا الكلام ... ولاالكلمات .........تستطيع ان تجسد بها امك!!!!!!!!!!!!!!

الام..... تحتاج الي لغه وحدها ... تتغلب علي كل اللغات ........

امي تحتاج الي فعل مني ....وليس كلام

تحتاج الي مواقف مني استطيع من خلالها ان اجعلها تشعر وتحس بانها امي

امي تلك الكلمه التي حال ماتنطقها تجد نفسك .. في واحه من الامان والطمأنينه... أمي .. هذه الكلمه التي تعيش معها. لحظات في الجنه.. أدخل الفرح الي قلبها .. وكن كماتريد ولاتقل كلمات او عبارات .. أو هدايا .. وأمنا كن رجلا له هدف .. وكوني فتاه رائعه تحمل بين طياتها امها .. وابيها .. في كل خطوة من خطواتها...

امي كل عاما .. وانت امي .. التي تحمل في قلبها حب الدنيا

امي لك سلاما من الله عليك وعلي ابي..

امي لك رورائع .. حبي اسكبها فيك وحدك..
فلا يوجد احد في الكون .. من يحتمل روائع ماأسكبه الا انتي ... لانك.......... اصلا لهذه الروائع........!!!

أمــــــــــــــــــــــــــــــــــــــي
ست الحبابيب
.. ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هل تحب أمك فعلاً ؟ فقد تبين لي اني لا أُحب أمي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ال دهان :: المنتديات الإجتماعية :: المنتدي الإجتماعي لأسرة وبيوت ال دهان-
انتقل الى: